چین کے شہر شنگھائی میں کورونا سے بگڑ ے حالات، انفیکشن کیسز نے بنایانیا ریکارڈ

بیجنگ: چین میں کورونا کی تباہ کاریوں میں مسلسل اضافہ ہورہا ہے۔ چین کے اقتصادی دارالحکومت اور سب سے زیادہ آبادی والے شہر شنگھائی میں انفیکشن کے کیسز تیزی سے بڑھ رہے ہیں۔ ڈھائی کروڑ کی آبادی والے شہر شنگھائی میں تین ہفتوں کا لاک ڈاؤن ہے۔ 

چین کے شمال مغربی شہر ژیان کی مقامی انتظامیہ نے لوگوں سے غیر ضروری طور پر باہر نہ نکلنے کی اپیل کی ہے۔ اس کے ساتھ ہی ژینگ زو میں بھی لاک ڈاؤن نافذ کر دیا گیا ہے۔ملک کے نیشنل ہیلتھ کمیشن (این ایچ سی) نے ہفتے کے روز کہا کہ چین میں کل 24,680 نئے کیسز میں سے صرف شنگھائی میں ریکارڈ 23,500 سے زیادہ نئے کیسز کی تصدیق ہوئی ہے۔

 وہیں فرانس، اٹلی اور جرمنی میں روزانہ انفیکشن کے کیسز میں مسلسل اضافہ ہو رہا ہے۔ یورپ اور امریکہ میں Omicron کی مختلف حالتوں کی وجہ سے بھی زیادہ تر ریاستوں میں کیسز میں تیزی سے اضافہ ہوا ہے۔ دوسری جانب جنوبی کوریا میں کورونا کے مسلسل کم ہونے والے کیسز کے درمیان اگلے ہفتے سے ماسک کے علاوہ کورونا وائرس کی تمام پابندیاں ختم کر دی جائیں گی۔

وزیراعظم کم بو کیوم نے کہا کہ پیر سے ریستوران اور بارز کو 24 گھنٹے کام کرنے کی اجازت ہوگی۔ شادیوں اور جلسوں میں لوگوں کی مقررہ تعداد سے پابندیاں بھی ہٹا دی جائیں گی۔