جالندھر میں کم ہوئی کورونا کی رفتار، آج ایک بھی پازیٹو کیس نہیں

جالندھر: ضلع جالندھر میں کورونا کا کہر کم ہوتا جا رہا ہے۔ محکمہ صحت سے موصولہ اعداد و شمار کے مطابق آج ضلع میں کسی بھی مریض کی کورونا رپورٹ  پازیٹو نہیں آئی۔ ضلع میں ایکٹو کیسز کی تعداد 9  پر پہنچ گئی  ہے۔

قابل ذکر بات یہ ہے کہ گزشتہ چند دنوں سے ضلع میں کورونا کے مریضوں کی تعداد میں زبردست کمی دیکھنے  کو ملی ہے جس سے لوگوں نے راحت کی سانس لی ہے۔ جالندھر میں کورونا صرف برائے نام رہ گیا ہے۔ اس کے باوجود محکمہ صحت نے لوگوں سے اپیل کی ہے کہ وہ کورونا کی ہدایات پر عمل کرتے رہیں تاکہ یہ وبا دوبارہ نہ پھیل سکے۔