داڑھی اور مونچھوں پر کامیڈی کر پھنسی بھارتی سنگھ، ہاتھ جوڑ کر معافی مانگنے کے بعد بھی ایس جی پی سی لینے جا رہی بڑا ایکشن

ممبئی: کامیڈی کوئین بھارتی سنگھ ان دنوں اپنی ایک پرانی ویڈیو کی وجہ سے خبروں میں ہیں۔ اپنے لطیفوں اور کامیڈ سےلوگوں کا دل جیتنے والی بھارتی سنگھ  ان کی ہی کامیڈی پر  بھاری پڑتی  نظر آ رہی ہے۔ 

دراصل چند ماہ قبل بھارتی سنگھ نے داڑھی مونچھوں پر کامیڈی کی تھی جس کی ویڈیو اب وائرل ہو رہی ہے۔ اس ویڈیو میں اداکارہ جیسمین بھسین شو میں بطور مہمان نظر آئیں۔ بھارتی کو جیسمین سے مذاق کرتے ہوئے دیکھا گیا- تمہیں داڑھی اور مونچھیں کیوں نہیں چاہیے، دودھ پینے کے بعد داڑھی منہ میں رکھو، پھر سیویوں کا ٹیسٹ آتا ہے، میرے بہت سے دوست جن کی ابھی شادی ہوئی ہے، وہ سارا  دن   داڑھی اور مونچھوں سے جوئیں  نکالنے  میں مصروف رہتی ہیں۔

https://twitter.com/SikhRaj98/status/1525430375077519362?s=20&t=cPJbJFvrInn6KP9O-NWA9A

 وہیں ویڈیو وائرل ہونے کے بعد انہیں سوشل میڈیا پر خوب ٹرول کیا جا رہا ہے، ٹرولنگ کے بعد بھارتی نے اب اپنے تبصرے کی وضاحت کرتے ہوئے کہا ہے کہ ان کا  مقصد کسی کو ٹھیس پہنچانا نہیں تھا، انہوں نے کہا کہ اگر کسی کے جذبات کو ٹھیس پہنچی تو وہ اس کے لیے معذرت خواہ ہیں.بھارتی سنگھ نے اپنے انسٹاگرام ہینڈل پر ایک ویڈیو شیئر کرتے ہوئے کہا ہے کہ انہوں نے کسی مذہب کے لوگوں کے بارے میں کوئی تبصرہ نہیں کیا۔ 

بھارتی نے کہا- میرا ایک ویڈیو بہت وائرل ہو رہا ہے اور لوگ مجھے بھیج کر پوچھ رہے ہیں کہ آپ نے داڑھی اور مونچھوں کے بارے  مذاق کیا ہے، میں وہ ویڈیو دو دن سے بار بار دیکھ رہی ہوں اور آپ کو یہ بھی بتاؤں گی کہ آپ بھی وہ ویڈیو دیکھیں۔ لیکن اگر میری باتوں سے کسی مذہب کے لوگوں کو تکلیف پہنچی ہو تو میں ہاتھ جوڑ کر معافی مانگتی ہوں۔ میں خود پنجابی ہوں۔ میں امرتسر میں پیدا ہوئی ہوں، میں پنجاب کا فخر قائم رکھوں گی اور مجھے فخر ہے کہ میں پنجابی ہوں۔