حکام نے بتایا کہ دہلی پولیس نے اتوار کی رات انکت اور سچن بھیوانی کو گرفتار کیا۔ لارنس بشنوئی اور گولڈی براڑ دونوں ہی گینگ کے مطلوب مجرم ہیں۔ ایک سینئر پولیس افسر نے بتایا کہ ہریانہ کا رہنے والا بھیوانی راجستھان میں لارنس بشنوئی گینگ کا کام دیکھتا ہے۔ وہ راجستھان کے چورو میں ایک اور کیس میں بھی مطلوب ہے۔
ساتھ ہی، انکت ہریانہ کے سرسا گاؤں کا رہنے والا ہے۔ اس کے خلاف راجستھان میں قتل کی کوشش کے الزام میں دو مقدمات درج ہیں۔ پولیس نے بتایا کہ ان کے قبضے سے ایک 9 ایم ایم پستول، اس کے 10 کارتوس، ایک 30 ایم ایم پستول، اس کے 9 کارتوس، پنجاب پولیس کی تین وردی، دو موبائل فون، ایک ڈونگل اور ایک سم کارڈ برآمد کیا گیا ہے۔
گزشتہ ماہ موسے والا کے قتل کے سلسلے میں اسپیشل سیل نے دو 'شوٹروں' سمیت تین لوگوں کو گرفتار کیا تھا۔ ان کی شناخت ہریانہ کے سونی پت ضلع کے رہنے والے پریاورت عرف فوجی (26)، ضلع جھجر کے رہنے والے کیش اور پنجاب کے بٹھنڈہ کے رہنے والے کیشو کمار (29) کے طور پر کی گئی ہے۔ پنجاب کے مشہور گلوکار سدھو موسے والا کو 29 مئی کو پنجاب کے ضلع مانسہ میں نامعلوم افراد نے گولی مار کر ہلاک کر دیا تھا۔
کوئی تبصرے نہیں:
ایک تبصرہ شائع کریں