ہندوستان نے 5 میچوں کی سیریز میں ویسٹ انڈیز کو59 رنزسے شکست دے کر 3-1 کی برتری حاصل کر لی

لاڈرہل: ہندوستان نے پانچ میچوں کی سیریز میں 3-1 کی ناقابل شکست برتری حاصل کر لی ہے کیونکہ اس نے ہفتہ کو چوتھے ٹی ٹوئنٹی میں ویسٹ انڈیز کو یکطرفہ انداز میں 59 رنز سے شکست دے کر سیریز میں 3-1 کی ناقابل شکست برتری حاصل کر لی ہے۔ ہندوستان نے ویسٹ انڈیز کو 19.1 اوور میں 132 تک محدود کر کے 20 اوورز میں پانچ وکٹ پر 191 رن بنائے۔ ہندوستان کی جانب سے اویش خان، اکسر پٹیل اور روی بشنوئی نے دو دو وکٹیں حاصل کیں جبکہ ارشدیپ سنگھ 12 رنز کے عوض تین وکٹیں لے کر سب سے کامیاب رہے۔ 

ونڈیز کی جانب سے کپتان نکولس پورن اور روومین پاول نے 24-24 رنز بنائے۔ اویش خان کو میچ کا بہترین کھلاڑی قرار دیا گیا۔ اس سے قبل ویسٹ انڈیز نے ٹاس جیت کر پہلے فیلڈنگ کا فیصلہ کیا۔ ہندوستان نے تیز شروعات کی اور 4.4 اوورز میں 53 رنز بنائے۔ کپتان روہت شرما نے صرف 16 گیندوں میں دو چوکوں اور تین چھکوں کی مدد سے 33 رنز بنائے۔ سوریہ کمار یادو نے ایک چوکے اور دو چھکوں کی مدد سے 24 رنز بنائے۔ 

دیپک ہڈا نے 21 اور رشبھ پنت نے 31 گیندوں میں چھ چوکوں کی مدد سے 44 رنز بنائے، سنجو سیمسن نے 23 گیندوں میں ناٹ آؤٹ 30 اور اکسر پٹیل نے آٹھ گیندوں میں دو چھکوں کی مدد سے 20 رنز ناٹ آؤٹ بنائے۔ صرف دنیش کارتک چھ رنز بنانے کے بعد آؤٹ ہوئے۔ ویسٹ انڈیز کی جانب سے اوبید میکے اور الزاری جوزف نے دو دو وکٹیں حاصل کیں۔