پاک- بھارت سرحد پر بی ایس ایف کی کارروائی، بھاری مقدار میں ہیروئن اور اسلحہ برآمد

امرتسر: پنجاب میں منشیات کی اسمگلنگ میں اضافہ ہوا ہے۔ بی ایس ایف کے جوان مسلسل اسمگلروں کے منصوبوں کو ناکام بنا رہے ہیں لیکن پھر بھی وہ باز نہیں آرہے ہیں۔ معلومات کے مطابق پاک -بھارت سرحد پر واقع بی او پی مورہ کے قریب گاؤں دھنوا کلاں میں ڈرون کے ذریعے 2.570 کلوگرام ہیروئن کی ایک بڑی کھیپ  پھینکی گئی ہے، جسے بی ایس ایف کے  جوانوں نے ضبط کر لیا ہے۔ اس کے علاوہ  بی ایس ایف  نے ایک میگزین، پستول اور زندہ کارتوس بھی برآمد کئے  ہیں۔

یہ بات قابل ذکر ہے کہ  بی ایس ایف کو سرچ آپریشن کے دوران یہ کامیابی حاصل ہوئی ہے۔ ڈرون کی آواز  آنے کے بعد بی ایس ایف نے فائرنگ شروع کی تو ڈرون  ہیروئن کی ایک بڑی کھیپ گرا کر  واپس پاکستان کی طرف چلا گیا۔