پاپولر فرنٹ آف انڈیا کی حمایت میں کینیڈا میں پاکستانی سفارت خانے کی جانب سے کی گئی ٹویٹ کا اسکرین شاٹ سوشل میڈیا پر خوب وائرل ہو گیا تھا۔ اطلاعات کے مطابق قونصلیٹ جنرل آف پاکستان، وینکوور کے آفیشل ہینڈل نے ممنوعہ پی ایف آئی کی حمایت میں ٹویٹ کیا تھا۔ یہی نہیں قابل اعتراض ٹویٹ کے ساتھ اس میں پاکستان کی وزارت خارجہ اور حکومت پاکستان کو بھی ٹیگ کیا گیا تھا۔ سوشل میڈیا پر لوگوں نے اس ٹویٹ کے خلاف کافی غصہ نکالا۔ یہ پوسٹ کافی وائرل بھیہوئی ۔
وائرل اسکرین شاٹ میں ٹویٹ کیا گیا تھا بی جے پی کی حکمرانی والی ریاستوں میں نظربندی کے نام پر بڑے پیمانے پر گرفتاریاں ہو رہی ہیں۔ یہ مرکزی حکومت کی طرف سے پی ایف آئی کو نشانہ بنا کر جمہوری اقدار کی خلاف ورزی کے سوا کچھ نہیں ہے۔ اس آمرانہ نظام کے تحت ایسی کارروائی کی توقع تھی۔
آپ کو بتا دیں کہ یہ پہلا موقع نہیں ہے جب ہندوستان نے پاکستان پر ڈیجیٹل اسٹر ئیک کی ہو۔اس سے پہلے بھی مودی حکومت نے 55 یوٹیوب چینلز اور ملک مخالف مواد والی دو ویب سائٹس پر پابندی لگا دی تھی۔ بھارت پہلے ہی جنوری 2022 اور دسمبر 2021 میں پاکستان پر ایسی کارروائی کر چکا ہے۔
کوئی تبصرے نہیں:
ایک تبصرہ شائع کریں