ممبئی: امراوتی سے آزاد ایم پی نونیت رانا کو اتوار کو لیلاوتی ہسپتال سے چھٹی دے دی گئی۔ ہسپتال سے باہر آتے وقت ان کے ہاتھ میں ہنومان چالیسہ دیکھی ۔ ہسپتال سے باہر آنے کے بعد میڈیا سے گفتگو کرتے ہوئے انہوں نے کہا کہ ہنومان چالیسہ پڑھنے کے لئے 14 دن تو کیا 14 سال بھی جیل میں رہنے کو تیار ہوں۔ نونیت نے کہا کہ میں چیف منسٹر ادھو ٹھاکرے کو چیلنج کرتی ہوں کہ وہ مہاراشٹر میں کہیں سے بھی الیکشن لڑیں اور میں ان کے خلاف کھڑی ہوں گی۔
نونیت رانا نے کہا کہ آنے والے کارپوریشن انتخابات میں پوری طاقت کے ساتھ عوام کے درمیان جاؤں گی۔ انہوں نے کہا کہ آنے والے وقت میں مہاراشٹر کے لوگ ادھو ٹھاکرے کو بتائیں گے کہ ہنومان اور شری رام کا نام لینے والوں کو ہراساں کرنے کے کیا نتائج ہوتے ہیں۔
بتادیں کہ ماتوشری میں ہنومان چالیسہ کا پاٹھ پڑھنے کی زد سے تنازعہ میں آنے والی آزاد ایم پی نونیت رانا اور ان کے ایم ایل اے شوہر روی رانا کو 5 مئی کو 13 دن بعد جیل سے رہا کیا گیا تھا۔نونیت رانا کو طبیعت خراب ہونے کی وجہ سے لیلاوتی ہسپتال میں داخل کرایا گیا تھا۔
ممبئی سیشن کورٹ نے ضمانت دیتے ہوئے رانا جوڑے کے لیے کئی شرائط رکھی تھیں۔ عدالتی حکم کے مطابق رانا جوڑا میڈیا سے بات نہیں کر سکتا اور ثبوتوں سے چھیڑ چھاڑ نہیں کر سکتا۔ عدالت نے یہ بھی ہدایت کی کہ جوڑا دوبارہ ایسا کوئی جرم نہیں کرے گا۔
کوئی تبصرے نہیں:
ایک تبصرہ شائع کریں