کینیڈا : آپ نے گاڑیاں بہت سی دیکھی ہوں گی۔ کچھ لوگوں کو جدید ترین ماڈل کی گاڑیوں کا شوق ہوتا ہے اور وہ ان پر پیسہ خرچ کرنے سے بھی گریزنہیں کرتے جب کہ کچھ لوگ ونٹیج کاروں کے شوقین ہوتے ہیں۔ اگرچہ آپ نے کسی کو بھاری گاڑی جیسے ٹینکر یا ٹرک کو باقاعدہ استعمال کرتے نہیں دیکھا ہوگا۔
برطانیہ میں ایک سابق فوجی نے اپنے لیے ایک ایسی گاڑی ڈیزائن کی ہے جسے سڑک پر دیکھ کر لوگ حیران ہیں۔ گیری فری لینڈ ایک سابق فوجی ہے اور اس نے فوجی ٹینک میں معمولی تبدیلیوں کے ساتھ اپنے خاندان کے لیے ایک شاہی سواری بنائی ہے۔ اب وہ فخر کے ساتھ اپنی فیملی کے ساتھ سیر کے لیے نکلتا ہے۔ یہ خاندان خریداری کے لیے بھی فوجی ٹینک میں بیٹھ کر جاتا ہے اور وہ چھٹیوں میں رائیڈ لینے کے لیے بھی فوجی ٹینک کا استعمال کرتے ہیں۔
مرر کی رپورٹ کے مطابق 35 سالہ گیری فری لینڈ انگلینڈ کے رہنے والے ہیں اور انہوںنے ایک فوجی ٹینک کو اپنا روزانہ کا سواری بنایا ہوا ہے۔ وہ اس پر بیٹھ کر مارکیٹ جاتے ہیں اور اپنے روزمرہ کے کام کرتے ہیں۔ اس ٹینک کو چلنے کے قابل بنانے کے لیے انہوں نے تقریبا 19 لاکھ روپے خرچ کیے ہیں۔ انہیں بچپن سے ہی فوجی گاڑیوں کا شوق تھا اور وہ 16 سال کی عمر میں فوج میں شامل ہو گئے۔ 20 سال کے بعد انہوں نے اپنی فوجی گاڑی خریدی اور اسے اپنے آبائی شہر ایمزبری کی سڑکوں پر چلاتے ہیں۔
کوئی تبصرے نہیں:
ایک تبصرہ شائع کریں