پاکستان میں بس اور گنے سے بھرے ٹرک میں ٹکر، 13 لوگوں کی موت، 5 زخمی

پشاور: پاکستان کے صوبہ پنجاب میں بس اور ٹرک کے درمیان تصادم میں کم از کم 13 افراد ہلاک ہوگئے۔ حکام نے یہ جانکاری دی۔ ریسکیو حکام کے مطابق ہفتہ کی شام لاہور سے 400 کلومیٹر دور رحیم یار خان ضلع میں بس مخالف سمت سے آنے والے گنے سے بھرے ٹرک سے ٹکرا گئی۔ بس میں کل 18 مسافر سوار تھے۔

حکام کا کہنا تھا کہ 'حادثے کے بعد ریسکیو ٹیم نے مقامی لوگوں کے ساتھ مل کر زخمیوں کو ہسپتال پہنچایا، جہاں 13 افراد کو مردہ قرار دے دیا گیا، جب کہ باقی پانچ زخمیوں کی حالت تشویشناک بتائی جاتی ہے۔

'حکام نے بتایا کہ جس سڑک پر حادثہ پیش آیا وہاں بارش کا پانی جمع ہو گیا تھا۔ بیان میں کہا گیا کہ حادثے کے بعد بس گنے کے ڈھیر تلے دب گئی اور ریسکیو ٹیم کو زخمیوں کو ہسپتال لے جانے میں کافی وقت لگا۔ ٹرک ڈرائیور موقع سے فرار ہو گیا۔