انہوں نے کہا کہ سوچی کی کابینہ کے تین ارکان کو بھی قصوروار پایا گیا اور انہیں تین سال قید کی سزا سنائی گئی۔ ٹرنل سڈنی کی میکوری یونیورسٹی میں معاشیات کے ایسوسی ایٹ پروفیسر ہیں اور سوچی کے مشیر بھی تھے۔ گزشتہ برس فوج نے میانمار میں منتخب حکومت کا تختہ الٹ کر اقتدار پر قبضہ کر لیا تھا۔ ٹرنل کو پانچ دن بعد اس وقت گرفتار کیا گیا جب وہ ایئرپورٹ جانے کے لیے گاڑی کا انتظار کر رہے تھے۔
ٹرنل کے خلاف الزامات کی مکمل تفصیلات عام نہیں کی گئی ہیں، تاہم، سرکاری ٹی وی چینلز نے گزشتہ سال خبر دی تھی کہ ٹرنل کے پاس ملک کے مالیاتی نظام کے بارے میں خفیہ معلومات تھیں اور وہ اسے لے کر میانمار سے فرار ہونے والے تھے۔ٹرنل اور سوچی نے ان الزامات کی تردید کی ہے۔ سوچی کو دیگر مختلف الزامات کا سامنا کرنا پڑ رہاہے اور انہیں 20 سال قید کی سزا سنائی جا چکی ہے۔
کوئی تبصرے نہیں:
ایک تبصرہ شائع کریں