ماسکو: قازقستان کا آرمی طیارہ ہفتہ کے روز گر کر تباہ ہوگیا۔ اس حادثے میں جہاز کے سوار عملے کے چار افراد ہلاک اور دو دیگر زخمی ہوگئے تھے۔ عہدیداروں نے یہ اطلاع دی۔ قازقستان کی وزارت ہنگامی صورتحال نے بتایا کہ طیارے کے حادثے میں عملے کے دو ارکان بچ گئے ، جنہیں ہسپتال داخل کرایا گیا ہے۔
وزارت نے بتایا کہ طیارہ ملک کے سب سے بڑے شہر الماتی کے ہوائی اڈے پر لینڈنگ کے دوران گر کر تباہ ہوگیا۔ یہ طیارہ قازقستان کے دارالحکومت نور سلطان سے الماتی کے ہوائی اڈے پر پہنچاتھا اور اس میں عملے کے چھ ارکان کے علاوہ کوئی مسافر سوار نہیں تھا۔ فوری طور پر حادثے کی وجوہات کا پتہ نہیں چل سکا۔
کوئی تبصرے نہیں:
ایک تبصرہ شائع کریں