اسلام آباد: پاکستان تحریک انصاف کے 100 سے زائد کارکنوں کی گرفتاری کے بعد، حکومت پاکستان نے منگل کو سابق وزیراعظم عمران خان کی 25 مئی کو مجوزہ بڑی ریلی پر پابندی عائد کردی۔ حکومت کا کہنا ہے کہ ریلی پر پابندی اس لیے لگائی گئی ہے تاکہ خان کواپنے گمراہ کن ایجنڈے کو فروغ دینے سے روکا جا سکے۔
قومی اسمبلی کو تحلیل کرنے اور ملک میں انتخابات کرانے کا مطالبہ کرنے کے لیے دباؤ ڈالنے کے مدنظر خان نے ہفتے کے روز اپنے حامیوں سے 25 مئی کو ایک پرامن مارچ کے ساتھ اسلام آباد پہنچنے کی اپیل کی تھی۔ تاہم، مخلوط حکومت نے ملک میں قبل از وقت انتخابات کرانے کے خان کے مطالبے کو مسترد کر دیا ہے۔ یہ بھی کہا کہ حکومت اپنی مدت پوری کرے گی اور انتخابات اگلے سال کرائے جائیں گے۔
وزیر داخلہ رانا ثنا اللہ نے کہا کہ ہر شخص کو پرامن احتجاج کرنے کا حق ہے لیکن وہ(خان کے حامی) پرامن احتجاج کی نیت سے نہیں آرہے ہیں۔ اگر وہ اپنے احتجاج کو خونی احتجاج نہ قرار دیتے تو ہمیں کوئی اعتراض نہ ہوتا، اسے پھیلنے نہیں دیں گے۔ ثنا اللہ نے کہا کہ کابینہ نے انتشار کو روکنے کے لیے پابندی لگانے کا فیصلہ کیا کیونکہ خان کی پارٹی انتظامیہ کو یہ یقین دلانے میں ناکام رہی کہ ریلی پرامن ہوگی۔
کوئی تبصرے نہیں:
ایک تبصرہ شائع کریں