جب امریکی پارلیمنٹ میں تشدد ہوا تو ٹرمپ وائٹ ہاؤس میں ٹی وی دیکھ رہے تھے

واشنگٹن: امریکہ میں صدارتی انتخابات کے دوران بھڑکنے والے کیپیٹل ہل تشدد کیس کی تحقیقاتی کمیٹی نے نئی ویڈیو جاری کی ہے۔ یہ ویڈیو پہلے کبھی نہیں دیکھا گیا ہے۔ ویڈیو میں 7 جنوری کو اس وقت کے صدر ڈونالڈ ٹرمپ کے لیے تیار کردہ تقریر کے اقتباسات شامل ہیں۔

 تحقیقاتی کمیٹی کا دعوی ٰہے کہ ٹرمپ نے 6 جنوری کو تشدد کو روکنے کے لیے کچھ نہیں کیا بلکہ وائٹ ہاؤس میں بیٹھ کر ٹی وی پر پورے تشدد کی لائیو کوریج دیکھی۔تحقیقاتی کمیٹی کا کہنا ہے کہ سابق صدر ڈونالڈ ٹرمپ نے پارلیمنٹ میں 6 جنوری کو ہونے والے تشدد کو روکنے سے اپنے معاونین اور یہاں تک کہ خاندان کے افراد کی درخواستوں کو مسترد کر دیا تھا۔ انہوں نے اپنے جارحانہ ٹویٹس سے آگ میں گھی ڈالنے  کا کام کیا۔